Սևանի բժշկական կենտրոն

Ե՞րբ դիմել էնդոկրինոլոգին

Հաճախ մարդիկ մասնագետին դիմում են միայն այն ժամանակ, երբ օրգանիզմում ի հայտ են գալիս ցավային սինդրոմներ, անհանգստացնող զգացողություններ, ֆունկցիոնալ խանգարումներ և այլն, մինչդեռ ամենավտանգավոր հիվանդություններն անգամ կարող են տևական ժամանակ ընթանալ առանց ախտանշանների, իսկ հետագայում՝ ունենալ կտրուկ սրացում և բարդություններ, ներքին օրգանների անդառնալի ախտահարումներ:

Թուլություն Հոգնածություն, քնկոտություն Տրամադրության անկայուն վիճակներ Առատ քրտնարտադրություն Ոսկրացավեր, մկանային թուլություն Սրտխփոց, զարկերակային ճնշման տատանումներ (դեղորայքային բուժման չենթարկվող) Մազակալում կամ հակառակը՝ մազաթափություն, մաշկի չորություն Բերանի չորություն Գիշերամիզություն Քաշի կտրուկ փոփոխություններ և այլն

Սրանք էնդոկրին հիվանդությունների ախտանիշների ոչ ամբողջական շարքն են, որոնց դեպքում անհրաժեշտ է դիմել մասնագետին:

Նշենք, որ էնդոկրին համակարգի ախտահարումները կարող են ազդել սիրտ-անոթային, մարսողական, տեսողական, լսողական և այլ օրգաննների վրա և հանգեցնել վերջիններիս ֆունկցիոնալ խանգարմանը:

Ուրախ ենք տեղեկացնել մեր ազգաբնակչությանը, որ Սևանի ԲԿ-ում՝ այսուհետ, բացի աշխատանքային օրերից , շաբաթ օրերին ևս կարող են խորհրդատվությունների և բուժման համար դիմել մեր նոր մասնագետին՝ բժիշկ էնդոկրինոլոգ Լիլիթ Բաղդասարյանին:

Աշխատանքային գրաֆիկ.

Երկուշաբթիից-ուրբաթ՝ ժամը 09:00-ից մինչև 16:30 Բժիշկներ՝ Լուսիկ Թադևոսյան, Շաքե Գնդոյան

Շաբաթ ՝ ժամը 09:00-ից մինչև 18:00 Բժիշկ՝ Լիլիթ Բաղդասարյան

Մեր մասնագետները սիրով կօգնեն ձեզ լինել տեղեկացված և առողջ։