« Սևանի բժշկական կենտրոն» ՓԲԸ ստեղծվել է  2016թ-ին «Սևանի հիվանդանոց» ՊՓԲԸ   և   «Սևանի պոլիկլինիկա»  ՊՓԲԸ միաձուլման  արդյունքում:

 Պետության կողմից երաշխավորված պետական նպատակային  ծրագրերի շրջանակներում բժշկական կենտրոնը իրականացնում է

• Բժշկական օգնություն և սպասարկում

• Բնակչությանը կանխարգելիչ, բուժական, դեղորայքային օգնության ցուցաբերում

• Ախտորոշիչ հետազոտությունների, վերականգնողական բուժման բժշկական փորձաքննության  անցկացում

• Հարբժշկական և այլ բնույթի ծառայությունների տրամադրում

Բժշկական կենտրոնը մատուցում է հիվանդանոցային, արտահիվանդանոցային և շտապ բժշկական օգնության  ծառայություններ:

Վերջին 5տարվա ընթացքում բժշկական կենտրոնում հագեցվել է ծառայությունների ցանկը, դրանք են՝  լապորոսկոպիկ վիրահատություն, դիմածնոտային վիրաբուժություն, անոթային վիրաբուժություն,  դուպլեքս հետազոտություն, սպիրոգրաֆիկ հետազոտություն,  էխոսրտագրություն, գաստրոսկոպիկ և կոլոնոսկոպիկ հետազոտություններ և այլն, իսկ 2022թ. հունվարից արդեն  Սևանի  բժշկական կենտրոնի կազմում գործում է նաև  ֆիզիկական և մտավոր խնդիրներ ունեցող երեխաների վերականգնողական ծառայությունը:

Բժշկական ծառայությունների որակի կառավարման, որակի բարձրացման  և  շուկայում  պահանջարկի մեծացման  նպատակով  բժշկական կենտրոնը անում է հնարավոր ամեն բան՝ հիվանդությունների ճշգրիտ և վաղ ախտորո­շումը, որակյալ բուժումը, ինչպես նաև վերականգնողական շրջանի պատշաճ վարումը իրականացնելու  համար ՝  նոր ծառայությունների ներդրման, դրանց զարգացման և  խթանման, առկա ծառայությունների կատարելագործման, ինչպես նաև բարձրակարգ կադրային  համալրման ,  արդիական տեխնոլոգիաների և սարքավորումների հագեցվածության միջոցով:

Կազմակերպության գործունեության  հաջողության հասնելու կարևոր նախադրյալներից մեկը թիմային աշխատանքն է՝ դիմացինի իրավունքները հարգելու կարողությունը, հոգատարությունը միմիանց   և պատասխանատվության զգացումը սեփական աշխատանքի նկատմամբ, հաճախորդների նկատմամբ ուշադրության  և  բարեհամբյուր վերաբերմունքի ցուցաբերումը և անհատական մոտեցումը :